ПАСТАНОВА №9 Аб узнагароджанні

2024-02-21

1. Узнагародзіць медалём Францыска Скарыны за высокія дасягненні ў сваёй дзейнасці наступных грамадзян:

• Вячорку Валянціна Рыгоравіча – беларускага філолага, мовазнаўцу, грамадскага і палітычнага дзеяча.

• Някляева Уладзіміра Пракопавіча – беларускага паэта, празаіка і грамадска-палітычнага дзеяча.

• Смулкову Альжбету – польскую мовазнаўцу, славістку, беларусістку.

• Сурвіла Івонку – грамадскую і палітычную дзяячку, лінгвістку і мастачку.

• Шупу Сяргея Анатолевіча – беларускага перакладчыка, журналіста і грамадскага дзеяча.

1. Узнагародзіць медалём “Гонар і годнасць” наступных грамадзян за змаганне за свабоду, нацыянальныя каштоўнасці, дэмакратыю і правы чалавека:

• Булгакава Валерыя Уладзіміравіча – беларускага філолага, журналіста, галоўнага рэдактара часопіса ARCHE.

• Лукашука Ігара – дырэктара Беларускага ліцэя ў Гайнаўцы (Польшча), прадстаўніка беларускай нацыянальнай меншасці ў Польшчы.

• Марцінш душ Рэйш Ванду – беларускую і літоўскую паэтку, перакладчыцу, публіцыстку, грамадскую дзяячку.

• Янушкевіча Андрэя Мікалаевіча – беларускага гісторыка, выдаўца, дырэктара выдавецтва «Янушкевіч».

Вышэйпералічаныя асобы праявілі мужнасць і адданасць інтарэсам беларускага народу, выступілі супраць гвалту ў адносінах да беларусаў, які ажыццяўляў рэжым Лукашэнкі. Яны працягваюць сваю дзейнасць, накіраваную на адбудову дэмакратыі і свабоды, правоў чалавека ў Беларусі ў эміграцыі, з’яўляюцца выбітнымі прадстаўнікамі беларускай нацыянальнай культуры. Не гледзячы на перашкоды, яны працягваюць уносіць значны ўклад у развіццё беларускай мовы і нацыянальнай культуры.

3. Даручыць Прадстаўніцы Аб’яднанага Пераходнага Кабінета Беларусі па нацыянальным адраджэнні:

• паведаміць родным узнагароджаных / узнагароджаным;

• прыняць меры па падрыхтоўцы ўрачыстай цырымоніі ўручэння ўзнагарод.

Аб’яднаны Пераходны Кабінет Беларусі

21.02.2024, Вільня

< >

Няма ілюстрацыяў.