Вызваленыя 123 вязні-грамадзяне розных краін, у тым ліку Марыя Калеснікава і Алесь Бяляцкі

2025-12-13

Прадстаўніца па сацыяльнай палітыцы Аб'яднанага Пераходнага Кабінета Вольга Зазулінская каментуе новае вызваленне беларускіх палітычных зняволеных:

«Мы ўдзячныя ўсім партнёрам за тое, што палітвязні выходзяць на волю, але памятаем пра тых, хто яшчэ застаецца ў беларускіх турмах, СІЗА і калоніях за свае перакананні — на волю павінны выйсці ўсе», — падкрэсліла Зазулінская.

Прадстаўніца АПК заклікала дапамагчы тым, хто цяпер на волі, далучыўшыся да тэрміновага збору на BYSOL:

«Гэтыя людзі прайшлі праз працяглае зняволенне, нечалавечыя ўмовы, катаванні і пазбаўленні. Мы абавязаныя дапамагчы ім аднавіць паўнавартаснае жыццё, прайсці рэабілітацыю і уз'яднацца з сем’ямі».

@CabinetBelarus